2001թ. հոկտեմբերի 24-ին ՀՀ ազգային ժողովի կողմից ընդունվեց ՀՀ օրենքը ''Առևտրաարդյունա-բերական պալատների մասին'', որը 2001թ. նոյեմբերի 21-ին հաստատվեց ՀՀ նախագահի կողմից։ Օրենքի հիման վրա ձևավորվեցին և պետական գրանցում ստացան մարզային Առևտրաարդյունա-բերական պալատները, որոնց կողմից ընտրված պատվիրակները 2002թ. ապրիլի 19-ին կայացած հիմնադիր ժողովում կազմավորեցին ՀՀ Առևտրաարդյունաբերական պալատը և ընտրեցին պալատի նախագահին և նախագահության անդամներին։Քանի որ պալատի գործառույթների մեջ մտնում էր արտահանվող ապրանքների փորձաքննությունների անցկացումը և դրանց հիման վրա արտահանվող ապրանքների ծագման երկրների հավաստագրերի տրամադրումը արտահանողներին, այդ պատճառով պալատի կողմից ձևավորվեց և 2002թ. հուլիսի 1-ից ՀՀ կառավարության 21.12.2001թ. թիվ 1246 որոշմամբ ընդունված կարգով սկսեց գործել ՀՀ ԱԱՊ ''Էքսպերտիզա'' ՍՊԸ-ն։ 2003թ. հոկտեմբեր ամսից ՀՀ ԱԱՊ ''Էքսպերտիզա'' ՍՊԸ-ն վերանվանվեց ՀՀ ԱԱՊ ''Արմէքսպերտիզա'' ՍՊԸ-ի։ 2004թ. հոկտեմբեր ամսից ''Արմէքսպերտիզա'' ՍՊԸ գործառույթներից հանվեց ծագման հավաստագրերի տրամադրումը և այդ գործառույթը վերապահվեց ՀՀ ԱԱՊ-ին։ Բացի ծագման փորձաքննությունից իր գործունեության ընթացքում ''Արմէքսպերտիզա'' ՍՊԸ իրագործում է նաև անշարժ և շարժական գույքի գնահատում, ապրանքների որակի, քանակի և համալրիվության փորձաքննություններ, ներմուծվող ապրանքների ծագման փորձաքննութունններ, ծածկագրերի որոշումներ, թանկարժեք քարերի և մետաղների գնահատումներ։ ''Արմէքսպերտիզա'' ՍՊԸ-ն իր ներկայացուցչությունները ունի Սյունիքի, Կոտայքի, Շիրակի, Լոռու և Արմավիրի մարզերում ՀՀ ԱԱՊ ''Արմէքսպերտիզա'' ՍՊԸ գլխավոր տնօրենը 2002թ. հուլիսի 1-ից մինչ օգոստոսի 18-ը եղել է Սահակ Արտաշեսի Բաղդասարյանը, իսկ 2002թ. հոկտեմբերի 1-ից մինչ այսօր՝ Գեորգի Բալաբեկի Նանյանը։ Ստորև բերված են վիճակագրական տվյալներ 2002-2007թթ''Արմէքսպերտիզա'' ՍՊԸ գործունեության մասին